கரோனா தடுப்பு நடவடிக்கையாக, நாட்டு மக்களிடையே உரையாற்றிய பிரதமர் நரேந்திர மோடி, மார்ச் 22ஆம் தேதி மக்கள் ஊரடங்கை அனைவரும் கடைப்பிடிக்க வேண்டும் என்று கேட்டுக்கொண்டார். மேலும் எச்சரிக்கையுடன் இருக்குமாறும், அதேவேளையில் தேவையற்ற அச்சத்தைத் தவிர்க்குமாறும் மக்களுக்கு அவா் அறிவுறுத்தினார்.
மக்கள் ஊரடங்கையடுத்து இன்று தமிழ்நாடு முழுவதும் கடைகள், வணிக நிறுவனங்கள் மூடப்பட்டுள்ளன. திருவண்ணாமலையில் வேலூர் சாலை, மத்தியப் பேருந்து நிலையம், தேரடி வீதி, அண்ணா சாலை, காய்கறிச் சந்தை, பூ சந்தை ஆகியவையும், முக்கியப் பகுதிகளிலுள்ள வணிக நிறுவனங்கள், உணவு விடுதிகள், சிறு கடைகள் உள்பட அனைத்து வணிக நிறுவனங்களும் மூடப்பட்டு அனைத்துச் சாலைகளும் மக்கள் நடமாட்டம் இன்றி வெறிச்சோடி காணப்படுகின்றன.