உலகளவில் அச்சுறுத்தலை ஏற்படுத்திவரும் கரோனா வைரசைக் கட்டுப்டுத்தும்விதமாக இந்தியாவில் 21 நாள்களுக்கு நாடு தழுவிய ஊரடங்கு பிறப்பிக்கப்பட்டுள்ளது. இதனால் மக்கள் பலர் தங்களது அன்றாட தேவைகளுக்கே அரசை எதிர்பார்க்கும் சூழல் ஏற்பட்டுள்ளது.
தங்களது அத்தியாவசிய தேவைகளுக்கே பணமின்றி தினக்கூலிகள் தவித்துவருகின்றனர். இந்நிலையில், தங்களது பொருளாதாரச் சிக்கல்களைச் சமாளிக்கும்பொருட்டு திருவண்ணாமலை மாவட்டம் செங்கம் பகுதியிலுள்ள விவசாய தினக்கூலிகள் சிலர் விவசாயப் பணிகளை மேற்கொள்ள தயாராகிவருகின்றனர்.
தற்போது விவசாயப் பணிகளைச் செய்ய குறைவான ஆள்களே முன்வந்துள்ளதால், பணியாளர்கள் ஒரு மீட்டர் இடைவெளிவிட்டு தங்களது பணிகளைச் செய்ய வலியுறுத்தப்பட்டுள்ளனர்.