இதுகுறித்து செய்தியாளர்களிடம் அவர், “CAA, NPR, NRC ஆகியவற்றை ரத்து செய்ய வேண்டும் என நாடு முழுவதும் இஸ்லாமியர்கள், எதிர்க்கட்சிகள், பல்வேறு அமைப்பினர் போராடி வருகின்றனர். தேசிய குடியுரிமை திருத்த சட்டத்தை அமல்படுத்துவது குறித்து 1947இல் மகாத்மா காந்தி, 1950இல் நேரு, 1957இல் கம்யூனிஸ்ட் கட்சியினர், 1964இல் காங்கிரஸ் கட்சியினர் பேசிவந்துள்ளனர். ஆனால் யாரும் நடைமுறைப்படுத்தவில்லை.
2014ஆம் ஆண்டு பிரதமர் மோடி இந்தச் சட்டத்தை அமல்படுத்தப்போவதாக தேர்தல் வாக்குறுதியளித்தார். அதன்படி இந்தச்சட்டத்தை அமல்படுத்தியுள்ளார். ஆப்கானிஸ்தான், பங்களாதேஷ், பாகிஸ்தான் ஆகிய நாடுகளிலிருந்து அகதிகளாக இந்தியாவிற்கு வந்த சிறுபான்மையின இந்துக்கள், பரிசேயர்கள், சீக்கியர்கள், கிறிஸ்தவர்கள் உள்ளிட்டோர் ஆறு ஆண்டுகள் இங்கு தங்கியிருந்தால் அவர்களுக்கு குடியுரிமை வழங்க சட்டம் அமல்படுத்தப்பட்டுள்ளது.