தேனி கும்பக்கரை அருவியில் சுற்றுலாப் பயணிகள் குளிக்க அனுமதி

தேனி கும்பக்கரை அருவியில் நாளை முதல் சுற்றுலாப் பயணிகள் குளிக்க அனுமதிக்கப்படுவதாக வனத்துறை அறிவித்துள்ளது.

தேனி:பெரியகுளம் அருகே கும்பக்கரை அருவியில் ஏற்பட்ட வெள்ளப்பெருக்கில் நீர்வரத்து குறைந்ததைத் தொடர்ந்து, இன்று (செப்.15) அருவியில் சுற்றுலாப் பயணிகள் குளிக்க மாவட்ட வனத்துறை அனுமதி வழங்கியுள்ளது.

முன்னதாக, அருவியின் நீர்பிடிப்புப்பகுதிகளான கொடைக்கானல், வட்டக்கானல் மற்றும் மேற்குத்தொடர்ச்சி மலைப்பகுதி பகுதிகளில் கடந்த மாத இறுதியில் பெய்த கனமழையின் காரணமாக கும்பக்கரை அருவிக்கு நீர்வரத்து அதிகரித்து வெள்ளப்பெருக்கு ஏற்பட்டது. இதனால், கடந்த 31ஆம் தேதி முதல் கும்பக்கரை அருவியில், சுற்றுலாப் பயணிகள் குளிக்க தடை விதிப்பதாக வனத்துறை அறிவித்தனர்.

இந்நிலையில் கடந்த சில நாட்களாக மேற்குத் தொடர்ச்சி மலைப்பகுதியில் மழை இல்லாததால் கும்பக்கரை அருவிக்கு வரும் நீர்வரத்து சீரானது. இந்நிலையில் கடந்த 15 நாட்களுக்குப்பிறகு, நாளை (செப்.16) முதல் கும்பக்கரை அருவியில் சுற்றுலாப் பயணிகள் குளிக்க வனத்துறையினர் அனுமதி அளித்துள்ளனர்.

இதையும் படிங்க: தமிழ்நாடு, புதுவையில் இடி மின்னலுடன் கூடிய லேசான மழைக்கு வாய்ப்பு - வானிலை ஆய்வு மையம்!