தஞ்சாவூர் மாவட்டம், பூதலூர் வட்டம் திருச்சென்னம்பூண்டி கொள்ளிடம் ஆற்றங்கரையில் உள்ள நாணல் புதரில் இன்று மதியம் 12 மணியளவில் மண்டை ஓடு, எலும்புகள், துணி, கொலுசு மற்றும் கால் செருப்பு ஆகியப் பொருட்கள் கிடந்துள்ளன.
அப்போது அவ்வழியாக ஆடு மேய்க்கச் சென்ற சிறுவர்கள் பார்த்துவிட்டு, உடனடியாக அப்பகுதி விஏஓ ஆனந்தனிடம் தெரியப்படுத்தியுள்ளனர். இதுகுறித்து உடனடியாக தோகூர் காவல் நிலையத்திற்கு விஏஓ ஆனந்தன் தெரியப்படுத்தினார். சம்பவ இடத்துக்கு விரைந்து வந்த காவல் ஆணையர் புகழேந்தி, காவல் அலுவலர் கென்னடி, காவல் துறை உதவி ஆய்வாளர் கருணாகரன் மற்றும் காவல் துறையினர் ஆய்வு செய்தனர்.
மேலும், சம்பவம் நடந்த இடத்திற்குத் தஞ்சை தடயவியல் நிபுணர் வரவழைக்கப்பட்டு, தடயங்கள் எதுவும் கிடைக்கின்றதா என்றும் ஆய்வு செய்தனர்.
கொள்ளிடம் ஆற்றில் பெண்ணின் மண்டை ஓடு