தஞ்சாவூர் மாவட்டம் பூதலூர் ஒன்றியத்திற்குட்பட்ட ஊராட்சிகளில் மகாத்மா காந்தி தேசிய ஊரக வேலை உறுதியளிப்பு திட்டத்தின் கீழ் நடைபெறும் பணிகளில் ஊழல் முறைகேடுகள் நடைபெறுவதாக இந்திய கம்யூனிஸ்ட் கட்சியினர் குற்றஞ்சாட்டிவருகின்றனர்.
இந்த நிலையில் அவர்கள் ஊழலைக் கண்டித்தும், அதனை கண்டிக்காத மாவட்ட ஊரக வளர்ச்சி முகமை, பூதலூர் வட்டார வளர்ச்சி நிர்வாகத்தை கண்டித்தும் இந்திய கம்யூனிஸ்ட் கட்சியினர் பூதலூர் வட்டார வளர்ச்சி அலுவலகம் எதிரில் ஆர்ப்பாட்டம் நடத்தினர்.
அதில் அவர்கள் "100 நாள் வேலை திட்டப்பணிகளில் உயிரிழந்த நபர்கள், வெளி ஊர்களில் உள்ள நபர்கள் ஆகியோரின் பெயரில் வேலை போலியான ஆவணங்கள் தயார் செய்து அவர்கள் பெயரில் பணம் எடுத்து கொள்ளை அடிக்கும் நிகழ்வு தொடர்ந்து நடந்து வருகிறது. அவர்கள் மீது கடுமையான நடவடிக்கைகள் மேற்கொள்ள வேண்டும்.