என்னால் முடிந்த உதவியை செய்வேன்: அமமுக வேட்பாளர்

தஞ்சாவூர்: நாடாளுமன்றத் தேர்தலில் வெற்றி பெற்றால் என்னால் முடிந்த அனைத்து உதவிகளையும் உங்களுக்கு செய்து தருவேன் என அமமுக வேட்பாளர் உறுதியளித்துள்ளார்.

தஞ்சை நாடாளுமன்றத் தொகுதியில் அமமுக சார்பில் முருகேசன் என்பவர் போட்டியிடுகிறார். இவர் நேற்று தனது ஆதரவாளர்களுடன் பட்டுகோட்டையில் வாக்கு சேகரிப்பில் ஈடுப்பட்டார். அப்போது அவர் கூறியதாவது, தஞ்சை நாடாளுமன்றத் தொகுதிக்கு என்னால் முடிந்த அளவிற்கு நலத்திட்டங்களை செய்து கொடுப்பேன். அதேபோல் என்ன பிரச்னை என்றாலும் மக்கள் நேரடியாக மனு அளித்தால் சம்பந்தப்பட்ட அதிகாரிகளைத் தொடர்பு கொண்டு உடனே தீர்த்து வைக்கப்படும். இவ்வாறு அவர் கூறினார்.