உலகச் சுற்றுலா தினத்தை முன்னிட்டு சுற்றுலாத் துறை சார்பில் சேலத்தில் இன்று முதல் வரும் 27ஆம் தேதி வரையிலான பல்வேறு நிகழ்ச்சிகள் நடைபெறவிருக்கிறது. இதன் தொடக்க விழா சேலம் மகாத்மா காந்தி விளையாட்டு மைதானத்தில் இன்று நடைபெற்றது.
இந்நிகழ்ச்சியை மாவட்ட ஆட்சியர் குத்துவிளக்கு ஏற்றி தொடங்கிவைத்தார்.
உலகச் சுற்றுலா தினத்தை முன்னிட்டு சேலத்தில் விழிப்புணர்வு நிகழ்ச்சிகள்!
சேலம்: உலகச் சுற்றுலா தினத்தை முன்னிட்டு சேலத்தில் சுற்றுலாத் துறை சார்பில் நடத்தப்படவிருக்கிற தூய்மைப்பணிகள், சுற்றுலா விழிப்புணர்வு நிகழ்ச்சிகளை சேலம் மாவட்ட ஆட்சியர் ராமன் தொடங்கிவைத்தார்.
salem-collector-inaugurated-the-world-tourism-day-festival
இதனைத்தொடர்ந்து கல்லூரி மாணவ, மாணவிகளின் பரதநாட்டியம், தேவராட்டம் உள்ளிட்ட பல்வேறு கலைநிகழ்ச்சிகள் நடைபெற்றன.
சுற்றுலா விழிப்புணர்வு நிகழ்ச்சிகளை தொடங்கிவைத்த ஆட்சியர்
பின்னர் செய்தியாளர்களிடம் பேசிய மாவட்ட ஆட்சியர் ராமன், "உலக சுற்றுலா தினத்தையொட்டி நாளை முதல் 24ஆம் தேதிவரை மேட்டூர் அணை, ஏற்காடு, சித்தர் கோயில், தாரமங்கலம் உள்ளிட்ட சுற்றுலாத் தலங்களில் சுற்றுலாத் துறை சார்பில் தூய்மைப் பணிகள் மற்றும் சுற்றுலா விழிப்புணர்வு கலை நிகழ்ச்சிகள் நடத்தப்படவுள்ளது.
மேலும், வரும் 27ஆம் தேதி நடைபெறும் நிறைவு விழா நிகழ்ச்சியில் தமிழ்நாடு முதலமைச்சர் எடப்பாடி பழனிசாமி, அமைச்சர்கள், சுற்றுலாத் துறை அலுவலர்கள் பங்கேற்கவுள்ளனர் " என்றார்.