காடையாம்பட்டி மக்களுக்கு நலத்திட்ட உதவிகள்!

சேலம்: காடையாம்பட்டி தாலுக்கா மக்களுக்கு ஓமலூர் சட்டப்பேரவை உறுப்பினர் வெற்றிவேல் முதியோர் உதவித்தொகை, இலவச வீட்டுமனைப்பட்டா போன்ற நலத்திட்ட உதவிகளை வழங்கினார்.

சேலம் மாவட்டம், காடையாம்பட்டி தாலுக்கா மக்களுக்கு, இலவச வீட்டுமனைப்பட்டா, முதியோர் உதவித்தொகை, மாற்றுத்திறனாளிகள் வாகனம் முதலியன வழங்கும் விழா வட்டாட்சியர் அலுவலகத்தில் நடைபெற்றது.

ஓமலூர் சட்டப்பேரவை உறுப்பினர் நலத்திட்ட உதவிகளை மக்களுக்கு வழங்கினார். ரூபாய் 2 கோடியே 83 லட்சத்து 708 ரூபாய் மதிப்பிலான நலத்திட்ட உதவிகள் மக்களுக்கு வழங்கப்பட்டது.

இந்நிகழ்ச்சியில் முன்னாள் சட்டமன்ற உறுப்பினர் பல்பாக்கி கிருஷ்ணன், ஒன்றிய நகரச் செயலாளர்கள், அதிமுக நிர்வாகிகள், தொண்டர்கள், பொதுமக்கள் என 1000க்கும் மேற்பட்டோர் கலந்து கொண்டனர்.

இதையும் படிங்க: 'எதிர்க்கட்சிகள் தடை பெறாதவாறு உள்ளாட்சித் தேர்தல் நடத்தவேண்டும்'