வாங்க... வாங்க... கலர் கலரா மீன்கள் இருக்கு?

சேலம்: சாலையோரங்களில் விற்கப்படும் வண்ண மீன்களின் வியாபாரம் சூடுபிடித்துள்ளது.

வீட்டில் செல்லப்பிராணிகள் வளர்ப்பது அனைவருக்கும் பிடித்த ஒன்று. செல்லப் பிராணிகளான நாய், பூனை, லவ் பேர்ட்ஸ், மீன்கள் கன நேரத்தில் எவ்வளவு பெரிய மன உளைச்சலையும் சரி செய்துவிடும் என்பது மனநல ஆய்வாளர்களின் கருத்து.

சேலம் மாவட்ட சாலையோரங்களில் மக்களைக் கவர்ந்திழுக்கும் வகையில் மீன் குடுவைக்குள் கடல்பாசி, கூலாங்கற்கள் என அலங்காரப் பொருட்கள் பலவும் நிரப்பப்பட்டு கோல்டன் மீன், கப்பிஸ் என பல ரகங்களில் வண்ண மீன்கள் வெளிமாநிலத்தினரால் விற்கப்படுகின்றன.

இதன் விலை மீன் குடுவையுடன் சேர்த்து ஒரு ஜோடி மீன் விலை 200 முதல் 300 வரை விற்பனை செய்கின்றனர்.

வண்ண மீன்களின் விலை அனைத்து தரப்பினருக்கும் ஏற்றவாறு உள்ளதால் சாலையில் வாகனங்களில் செல்லும் பெரியவர்களும், சிறியவர்களும் ஆர்வத்துடன் வாங்கிச் செல்கின்றனர்.