ராமநாதசுவாமி கோயில் உண்டியல் எண்ணும் பணி!

ராமநாதபுரம்: ராமேஸ்வரம் ராமநாதசுவாமி கோயில் உண்டியலில் இருக்கும் காணிக்கையை எண்ணும் பணி நடைபெற்றது.

ராமேஸ்வரம் ராமநாதசுவாமி கோயில் உண்டியல் மாதம் ஒருமுறை திறந்து எண்ணப்படுவது வழக்கம். இந்த முறை 35 நாட்களுக்கு பிறகு நேற்று கோயில் உண்டியல், கோயிலின் இணை ஆணையர் கல்யாணி தலைமையில் திறக்கப்பட்டது.

இதனையடுத்து உண்டியலில் இருக்கும் காணிக்கையை எண்ணும் பணியில் மக்கள், கோயில் பணியாளர்கள் ஈடுபட்டனர். மொத்தம் உண்டியலில் 69,90,953 ரூபாயும் , 103 கிராம் தங்கமும், 2.757 கிராம் வெள்ளியும், 198 வெளிநாட்டு நோட்டுக்களும் இருந்தன.