இது தொடர்பாக சேலம் மாவட்ட ஆட்சியர் சி.அ.ராமன் வெளியிட்ட அறிக்கையில்,
சேலம் கோட்டை மாரியம்மன் கோயில் திருவிழாவை முன்னிட்டு சேலம் மாவட்டத்திலுள்ள அனைத்து அரசு அலுவலகங்கள் மற்றும் கல்வி நிறுவனங்களுக்கு ஆகஸ்ட் 7ஆம் தேதி உள்ளூர் விடுமுறை அறிவிக்கப்பட்டுள்ளது.
இந்த உள்ளூர் விடுமுறை செலாவணி முறிச்சட்டம் 1881-ன் கீழ் வராது என்பதால், அரசுப் பாதுகாப்புக்கான அவசர அலுவலர்களை கவனிக்கும் பொருட்டு, மாவட்டத்திலுள்ள மாவட்ட கருவூலம் மற்றும் சார்நிலை கருவூலங்கள் குறிப்பிட்ட பணியாளர்களோடு செயல்படும்.
மேலும், இந்த விடுமுறைக்கு மாற்றாக செப்டம்பர் 7ஆம் தேதி சேலம் மாவட்டத்திலுள்ள அனைத்து அரசு அலுவலகங்கள் மற்றும் கல்வி நிறுவனங்கள் செயல்படும் என ஆட்சியர் சி.அ.ராமன் தெரிவித்துள்ளார்.