புதுக்கோட்டை மாவட்டம் அறந்தாங்கி அரசினர் ஆண்கள் மேல்நிலைப்பள்ளி சாலை அருகே பாலாஜி மோட்டார்ஸ் என்ற இருசக்கர வாகனங்கள் பழுது பார்க்கும் கடை உள்ளது. இந்த கடையின் வெளியே நேற்று (ஆகஸ்ட் 22) கடையின் உரிமையாளர் பழுது நீக்கம் செய்யப்பட்ட இருசக்கர வாகனம் ஒன்றை நிறுத்தி வைத்துள்ளார்.
இருசக்கர வாகனம் திருட்டு
இதையடுத்து சிறிது நேரத்திலேயே அந்த இருசக்கர வாகனம் காணாமல் போனது. இது குறித்து கடையின் உரிமையாளர் சிசிடிவி காணொலி பதிவுகளை ஆராய்ந்துள்ளார். அதில் கடையின் வெளியே நிறுத்திவைக்கப்பட்டிருந்த இருசக்கர வாகனத்தை அடையாளம் தெரியாத நபர் தன் சொந்த வாகனம் போல் சாவி போட்டு எடுத்துச் சென்றது பதிவாகியிருந்தது.