தேசிய கல்விக் கொள்கையை எதிர்த்து விசிக கருத்தரங்கு!

பெரம்பலூர்: விடுதலை சிறுத்தைகள் கட்சியின் சார்பில் தேசிய கல்விக் கொள்கையை எதிர்த்து துறைமங்கலத்தில் கருத்தரங்கு நடைபெற்றது. அதில் திரைப்பட இயக்குநர் சிபி சந்தர் கலந்துகொண்டு சிறப்புரையாற்றினார்.

பெரம்பலூரில் துறைமங்கலம் பகுதியில் உள்ள தனியார் அரங்கில் விடுதலை சிறுத்தைகள் கட்சியின் சார்பில் தேசிய கல்விக் கொள்கையை எதிர்த்து மாவட்டச் செயலாளர் தமிழ் மாணிக்கம் தலைமையில் கருத்தரங்கு நடைபெற்றது.

இந்த கருத்தரங்கக் கூட்டத்தில் விடுதலை சிறுத்தைகள் கட்சியின் மாநில கொள்கை பரப்புச் செயலாளரும், திரைப்பட இயக்குநருமான சிபி சந்தர் கலந்துகொண்டு, தேசிய கல்விக் கொள்கையை எதிர்ப்பதன் முக்கிய அம்சங்களை எடுத்துரைத்தார். இந்த நிகழ்வில் விடுதலை சிறுத்தைகள் கட்சி நிர்வாகிகள் உள்ளிட்ட பலர் கலந்துகொண்டனர்.