நீரில் மூழ்கி இரண்டு சிறுமிகள் உயிரிழப்பு-பெரம்பலூரில் பரிதாபம்

பெரம்பலூர்: சாத்தனூர் அருகே குளிக்கச் சென்ற இரண்டு சிறுமிகள் நீரில் மூழ்கி உயிரிழந்த சம்பவம் அப்பகுதியில் பெரும் சோகத்தை ஏற்பத்தியுள்ளது.

பெரம்பலூர் அருகே சாத்தனூர் குடிகாடு கிராமத்தைச் சேர்ந்த சிறுமிகள் சீதா, மஞ்சுளா. இவர்கள் அதே பகுதியில் ஏழாம் வகுப்பு படித்துவந்தனர். இந்நிலையில் இன்று இவர்கள் கொளக்காநத்தம் சாலை அருகே மருதை ஆற்றின் குறுக்கே பாலம் அமைக்க தோண்டப்பட்ட பள்ளத்தில் தேங்கியுள்ள தண்ணீரில் குளிக்க சென்றுள்ளனர்.

பின்னர் எதிர்பாராத விதமாக அவர்கள் நீரில் மூழ்கி உயிரிழந்தனர். இதனைத் தொடர்ந்து அங்கு வந்த மருவத்தூர் காவல் துறையினர் உடல்களை மீட்டு உடற்கூறு ஆய்விற்காக பெரம்பலூர் அரசு மருத்துவமைக்கு அனுப்பி வைத்தனர்.

மேலும் இதுகுறித்து காவல் துறையினர் விசாரித்து வருகின்றனர். ஒரே கிராமத்தைச் சேர்ந்த இரு சிறுமிகள் உயிரழிந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.