பெரம்பலூர் மாவட்ட ஆட்சியர் அலுவலகக் கூட்ட அரங்கில் விவசாயிகள் குறைதீர் கூட்டம் மாவட்ட ஆட்சியர் சாந்தா தலைமையில் இன்று நடைபெற்றது. இந்த கூட்டத்தில் பல்வேறு விவசாய சங்கப் பிரதிநிதிகள் கலந்து கொண்டனர்.
இதனிடையே தமிழக ஏரி மற்றும் ஆற்றுப்பாசன விவசாயிகள் சங்கத்தினர் கூறுகையில் ''சிறு பாசன ஏரிகள், குளங்கள், குடிமராமத்துப் பணிகள் செய்ததில் முறைகேடு நடந்துள்ளது. ஏரிகள் குளங்களில் உள்ள வேலிகள் அகற்றப்படவில்லை. ஆறு மாத காலமாக கோடை உழவு மானியம் வழங்கப்படவில்லை. மேலும் நாடாளுமன்ற கூட்டத்தொடரில் வேளாண்துறை அமைச்சர் பேசும்பொழுது விவசாயிகளுக்கு விவசாயக் கடன் தள்ளுபடி செய்யமாட்டோம் என்று பேசியிருப்பது வெந்த புண்ணில் வேல் பாய்ச்சுவது போல உள்ளது'' என்றனர்.
ஏரி மற்றும் ஆற்றுப்பாசன விவசாயிகள் சங்கத்தினர் முற்றுகை போராட்டம்