நாமக்கல்லில் வெறிநாய் கடித்து 10 பேர் காயம்!

நாமக்கல்: வேலகவுண்டப்பட்டி பகுதியில் வெறி நாய் கடித்ததில் 10க்கும் மேற்பட்டோர் மருத்துவமனையில் சிகிச்சை பெற்று வருகின்றனர்.

நாமக்கல் மாவட்டம் வேலகவுண்டம்பட்டி அருகே உள்ள புத்தூர், சின்ன நாய்க்கன்பா நாய்க்கன்பாளையம், கவுண்டம்பாளையம் ஆகிய பகுதிகளில் இன்று 10 க்கும் மேற்பட்ட பொதுமக்களை வெறி நாய் கடித்தது. இதில், 6 பெண்கள் மற்றும் 2 குழந்தைகள் உள்பட 10க்கும் மேற்பட்டோர் எர்ணாபுரம் ஆரம்ப சுகாதார நிலையத்தில் சிகிச்சை பெற்று வருகின்றனர். இதேபோன்று இப்பகுதியில் தொடர்ச்சியாக வெறிநாய் கடிப்பது வழக்கமாகி வருகிறது. இதனால் தெருக்களில் விளையாடும் தங்களது குழந்தைகளுகக்கு பாதுகாப்பு இல்லை என பொதுமக்கள் வேதனையுடன் தெரிவித்தனர்.

மேலும், இதுபோன்ற வெறி நாய்களை நாமக்கல் நகராட்சி நிர்வாகம் பிடிக்க வேண்டும் என அப்பகுதி மக்கள் கோரிக்கை வைத்துள்ளனர். பத்துக்கும் மேற்பட்டோரை வெறிநாய் கடித்ததால் அப்பகுதி மக்கள் பீதியடைந்துள்ளனர்.