அதிமுக வேட்பாளர் அறிமுக கூட்டத்தில் பெண் மயங்கி விழுந்ததால் பரபரப்பு!

நாமக்கல்: நாமக்கல் தொகுதி அதிமுக வேட்பாளர் அறிமுக கூட்டத்தில் வெயில் தாக்கத்தினால் பெண் ஒருவர் மயங்கி விழுந்த சம்பவம் பரபரப்பை ஏற்பட்டது.

அதிமுக சார்பில் நடைபெற்ற செயல்வீரர்கள் கூட்டம் மற்றும் நாமக்கல் தொகுதி அதிமுக வேட்பாளர் பி.காளியப்பன் அறிமுக கூட்டம் தனியார் திருமண மண்டபத்தில் வைத்து நடைபெற்றது. இதில் அமைச்சர்கள் தங்கமணி, சரோஜா, கூட்டணி கட்சி நிர்வாகிகள் பலர் கலந்து கொண்டனர்.

இந்த கூட்டத்தில் கலந்து கொள்வதற்காக வந்த கட்சி தொண்டர்கள், வாகனங்கள் நிறுத்திவிட்டு பட்டாசு வெடித்தனர். இதனால் சாலை போக்குவரத்து பாதிக்கப்பட்டது. மேலும், வெயிலின் தாக்கத்தினால் கூட்டத்தில் பெண் ஒருவர் மயங்கி விழுந்த சம்பவம் பரபரப்பை ஏற்படுத்தியது.