'வைகோ ஒரு தேசத்துரோகி..!' - எஸ்.ஆர்.சேகர் குற்றச்சாட்டு

நாகை: "தேசத்திற்கு எதிராக பேசிய வைகோ ராஜ்யசபா எம்பியாக ஆசைப்படுவதற்கு, நாட்டின் சட்டங்கள் இடமளிக்குமா என்பதை பொறுத்திருந்துதான் பார்க்க வேண்டும்" என்று, பாஜக மாநில பொருளாளர் எஸ்.ஆர்.சேகர் தெரிவித்துள்ளார்.

நாகை மாவட்டம், திருக்கடையூரில் உள்ள புகழ்பெற்ற அபிராமி அம்மன் உடனுறை அமிர்தகடேஸ்வரர் ஆலயத்தில் பாஜக மாநில பொருளாளரும், செய்தி தொடர்பாளருமான எஸ்.ஆர்.சேகர் சாமி தரிசனம் செய்தார்.

பின்னர் செய்தியாளர்களிடம் பேசிய அவர், "மத்திய பட்ஜெட் அனைத்து தரப்பு மக்களுக்கும் பயன் அளிக்கும் உன்னதமான பட்ஜெட். மகளிர் சுய உதவிக்குழு பெண்கள் வட்டியில்லாத கடன் பெற திட்டம் வகுக்கப் பட்டுள்ளது. தேசத்திற்கு எதிராக பேசி தண்டனைப் பெற்ற வைகோ, ராஜ்யசபா எம்பியாக ஆவதற்கு ஆசைப்படுகிறார். இந்த நாட்டின் சட்டங்கள், தேசத் துரோகியின் வேட்புமனுவை அங்கீகரிக்குமா என்று பொறுத்திருந்துதான் பார்க்க வேண்டும்" எனக் கேள்வி எழுப்பினார்.