''அழைப்புவிடுத்தால் 10 நிமிடங்களில் வருவேன்'' - அதிமுக வேட்பாளர் வாக்கு சேகரிப்பு!

நாகப்பட்டினம்: சட்டப்பேரவைத் தொகுதியில் அதிமுக வேட்பாளர் தங்க கதிரவன் தீவிர தேர்தல் பரப்புரையில் ஈடுபட்டு வருகிறார்.

நாகப்பட்டினம் சட்டப்பேரவைத் தொகுதியில் போட்டியிடும், அதிமுக வேட்பாளர் தங்க கதிரவன் தீவிர தேர்தல் பரப்புரையில் ஈடுபட்டு வருகிறார். அதன்படி இன்று(மார்ச் 31) பெருங்கடம்பனூர், நாகூர், பால்பண்ணைச்சேரி உள்ளிட்டப் பல்வேறு பகுதிகளில், வாக்கு சேகரித்த அவருக்கு, அதிமுகவினர் மலர்த்தூவி உற்சாக வரவேற்பு அளித்தனர்.

அப்போது கூட்டத்தில் பேசிய அதிமுக வேட்பாளர் தங்க கதிரவன் தான் உள்ளூர் என்றும், தங்கள் அழைப்பு விடுத்தால், அடுத்த 10 நிமிடங்களில் உங்கள் முன் வந்து நிற்பேன் என்றும் பேசினார்.

மேலும், நாகையில் மருத்துவக் கல்லூரி வருவதற்கு பாடுபட்டதாகக் கூறிய அவர், தங்கள் பகுதியின் சுக, துக்கங்களில் பங்கெடுப்பென் என்றும் உரையாற்றினார். சமீபத்தில் தங்க கதிரவன் வாக்கு சேகரிக்க செல்லும்போது, ஒரு குடும்பத்தலைவிக்கு துணிகளைத் துவைத்துக்கொடுத்து, வாக்கு சேகரித்தார் என்பது குறிப்பிடத்தக்கது.

இதையும் படிங்க:'உலகிலுள்ள மொழிகளுக்கெல்லாம் தாய்மொழி தமிழ்தான்'- மத்திய அமைச்சர் ராஜ்நாத் சிங் புகழாரம்