பிரசாந்த் கிஷோரால் திமுகவுக்கு பயனில்லை - அமைச்சர் ஆர்.பி. உதயகுமார்

மதுரை: பிரசாந்த் கிஷோரால் திமுகவுக்கு வெற்றியைத் தேடித்தர முடியாது என அமைச்சர் ஆர்.பி. உதயகுமார் திட்டவட்டமாக தெரிவித்துள்ளார்.

முன்னாள் முதலமைச்சர் ஜெயலலிதாவின் 72ஆவது பிறந்த நாள் விழாவையொட்டி,மதுரை மாவட்டம் திருமங்கலம் அருகே உள்ள மேல உரப்பனூரில் அன்னதான நிகழ்ச்சி நடைபெற்றது. இதை நிகழ்ச்சியை அமைச்சர் ஆர்.பி. உதயகுமார் தொடங்கிவைத்தார்.

பின்னர் அவர் செய்தியாளர்களைச் சந்தித்தார் அவர், " சட்டப்பேரவைத் தேர்தல் வெற்றிக்காக பிரசாந்த் கிஷோரை நாடியிருப்பது திமுகவின் தோல்வியை ஒப்புக் கொண்டதற்கு சமம். இந்தியாவில் பல தலைவர்களுக்கு பிரசாந்த் கிஷோர் வெற்றி தேடித்தந்தாலும் தமிழ்நாட்டில் அவரால் வெற்றியைத் தேடித்தர முடியாது" என உறுதிப்படத் தெரிவித்தார்.

மேலும், 2021ஆம் ஆண்டு அதிமுகவுக்கே ஒன்றரை கோடி தொண்டர்கள் வாக்களிப்பார்கள் என்று கூறிய அமைச்சர், அதிவேகத்துடன் கூடிய இணையதள வசதிகளை ஊராட்சிகளில் அரசு கொண்டுவர உள்ளதாகவும் தெரிவித்தார்.

இதையும் படிங்க:'சுமார் 7ஆயிரம் கோடி ரூபாய் பயிர்க்கடன் வழங்கப்பட்டுள்ளது' - அமைச்சர் செல்லூர் ராஜூ