தமிழ்நாட்டில் டாஸ்மாக் கடைகளை திறக்கலாம் என்று உச்ச நீதிமன்றம் அனுமதி அளித்ததையடுத்து அனைத்து மாவட்டங்களிலும் டாஸ்மாக் கடைகள் திறக்கப்பட்டுள்ளன. இந்நிலையில், கடைகளை திறக்கக் கூடாது என பல்வேறு பகுதிகளில் எதிர்க்கட்சியினர் போராட்டம் நடத்தி வருகின்றனர்.
அதன் ஒரு பகுதியாக, மதுரை ஆரப்பாளையம் பகுதியில் உள்ள டாஸ்மாக் கடை ஒன்றை அதன் ஊழியர்கள் இன்று திறக்க வந்தனர். அப்போது அக்கடையை திறக்கவிடாமல் மார்க்சிஸ்ட் கம்யூனிஸ்ட் கட்சியினர் 20க்கும் மேற்பட்ட பெண்கள் முற்றுகையிட்டு ஆர்ப்பாட்டம் நடத்தினர்.