மின் கசிவால் குடிசை வீடு தீயில் எரிந்து சேதம்

கரூர்: மின் கசிவால் கூலித்தொழிலாளியின் குடிசை வீடு எரிந்ததில் அனைத்துப் பொருள்களும் முற்றிலும் சேதமடைந்தன.

கரூர் மாவட்டம் ஏமூர் புதூர் பகுதியில் வசித்துவருபவர் சுப்பிரமணியம். இவரது மனைவி லலிதா. இருவரும் கூலி வேலை செய்து பிழைப்பு நடத்திவருகின்றனர்.

இந்நிலையில், இவர்கள் வசிக்கும் வீட்டின் கூரை மேல் கடந்து செல்லும் மின் கம்பிகள் ஒன்றின் மேல் ஒன்று உரசியதால் ஏற்பட்ட தீ பொறி கூரையின் மீது விழுந்துள்ளது. இதனால் குடிசை வீடு முற்றிலும் எரிந்து நாசமாகியது.

மேலும் வீட்டில் வைத்திருந்த உடைகள், பாத்திரங்கள் உள்பட பல பொருள்கள் எரிந்து நாசமாகின. இதையடுத்து அருகில் வசித்துவந்த சரண்யா என்பவர் தீயணைப்புத் துறைக்கு தகவல் அளித்ததையடுத்து, தீயணைப்புத் துறையினர் தீயை அணைத்தனர்.

இதையும் படிங்க: சாய்னா நோவால்... சாஹல் டிக்டாக் வீடியோ இணையத்தில் வைரல்