குமரி மாவட்டம், நாகர்கோவில் அடுத்த ஊட்டுவாழ்மடம் பகுதியைச் சேர்ந்தவர் சுப்பிரமணியன் (57). இவர், மீனாட்சிபுரத்தில் நகை பட்டறை வைத்து, நகைகளில் கல் பதிக்கும் தொழில் செய்து வந்தார். கடந்த சில தினங்களுக்கு முன்பு திடீரென மாயமானார். இதையடுத்து உறவினர்கள் அவரைத் தேடி வந்த நிலையில், நேற்று முன்தினம் மீண்டும் வீட்டுக்கு வந்த சுப்பிரமணியன், வீட்டில் இருந்தவர்களிடம் பட்டறைக்கு செல்வதாக கூறி சென்றார்.
நகை பட்டறை உரிமையாளர் தற்கொலை; போலீசார் தீவிர விசாரணை!
கன்னியாகுமரி: நகை பட்டறை உரிமையாளர் எந்த காரணமுமின்றி தற்கொலை செய்துகொண்ட சம்பவம் தொடர்பாக காவல் துறையினர் விசாரணை மேற்கொண்டு வருகின்றனர்.
death
இரவாகியும் அவர் வீடு திரும்பாததையடுத்து, உறவினர்கள் பட்டறைக்கு சென்று பார்த்தபோது உள் பக்கமாக பூட்டிக்கொண்டு அவர் தூக்கிட்டு தற்கொலை செய்துகொண்டிருப்பது தெரியவந்தது. இதையடுத்து, சுப்பிரமணியனின் உறவினர்கள் கோட்டாறு காவல் துறையினருக்கு தகவல் கொடுத்துள்ளனர்.
பின்னர், சம்பவ இடத்திற்கு வந்த காவலர்கள், சுப்பிரமணியனின் உடலை மீட்டு, பிரேத பரிசோதனைக்காக ஆசாரிபள்ளம் அரசு மருத்துவமனைக்கு அனுப்பி வைத்தனர். மேலும், இச்சம்பவத்திற்கு கடன் தொல்லை காரணமா அல்லது வேறு ஏதும் காரணங்கள் இருக்கின்றனவா என்பது தொடர்பாக தீவிர விசாரணை மேற்கொண்டு வருகின்றனர்.