தூத்துக்குடி மாவட்டம் திருச்செந்தூர் அருகே உள்ள ஆலந்தலை மீனவ கிராமத்தில் அருகே துறைமுகம் அமைக்கும் பணிகள் நடைபெற்று வருகின்றன. இதனால் இந்த கிராமத்தில் கடலரிப்பு ஏற்பட்டு வருகிறது. எனவே இந்த பகுதிகளில் தூண்டில் வளைவு அமைத்து தர வேண்டும் என அங்குள்ள மீனவ மக்கள் தூத்துக்குடி நாடாளுமன்ற உறுப்பினர் கனிமொழி கோரிக்கை வைத்தனர்.
இதைத்தொடர்ந்து ஆலந்தலை கிராமத்தில் கடல் அரிப்பு ஏற்பட்டுள்ள கடற்கரைப் பகுதியை பார்வையிட்ட கனிமொழி, கடல் அரிப்பைத் தடுப்பதற்கான நடவடிக்கைகள் மேற்கொள்ளப்படும் என உறுதி அளித்தார்.
மீனவ கிராமங்களில் கடல் அரிப்பை தடுக்க நடவடிக்கை: கனிமொழி உறுதி!