கன்னியாகுமரி மக்களவைத் தொகுதியின் பாஜக வேட்பாளர் பொன். ராதாகிருஷ்ணனை ஆதரித்து கொட்டாரம், சுவாமிதோப்பு பகுதிகளில் திரைப்பட இயக்குநரும், நடிகருமான விசு தேர்தல் பரப்புரை மேற்கொண்டார். திறந்த வாகனத்தில் நின்றுகொண்டு பொதுமக்களிடம் வாக்குகளை சேகரித்து அவர் பேசியதாவது: மத்திய அமைச்சர் பொன்னாரின் சாதனைகள் மீண்டும் தொடர தாமரை சின்னத்தில் வாக்களித்து அவரை வெற்றிபெறச் செய்யவேண்டும். நமது ராணுவத்தினர் மீது தாக்குதல் நடத்திய பாகிஸ்தான் தீவிரவாதிகள் மீது உடனடி தாக்குதல் நடத்திய பிரதமர் மோடியை பாராட்டாமல், பாகிஸ்தான் பிரதமர் இம்ரான் கானை பாராட்டுகின்றன எதிர்க்கட்சிகள். இந்த நிலையைப் பார்க்கும் போது மனம் வேதனை அடைகிறது.
பொன்னாரின் சாதனைகள் தொடர வாக்களியுங்கள் - மக்களிடம் விசு கோரிக்கை!
கன்னியாகுமரி: மத்திய அமைச்சர் பொன் ராதாகிருஷ்ணனின் சாதனைகள் மீண்டும் தொடர மக்கள் அவரை வெற்றிபெறச் செய்ய வேண்டும் என நடிகர் விசு கோரிக்கை விடுத்துள்ளார்.
Visu
1967ஆம் ஆண்டு தேர்தலில் திமுகவை ஆதரித்து பிரசாரம் செய்த ஆயிரக்கணக்கான இளைஞர்களில் நானும் ஒருவன். திமுக ஆட்சிக்கு வந்ததும் கருணாநிதி முதலமைச்சராக வந்த பின் அடித்த கொள்ளையைப் பார்த்து திமுக வெற்றிக்கு உழைத்ததற்காக நான் வேதனைப்பட்டேன். இப்போது வயதான நிலையிலும் மீண்டும் மோடி பிரதமராக வேண்டும் என்ற நோக்கத்திற்காகவே பாஜகவின் வெற்றிக்கு உழைக்கிறேன், என்றார்.