துணை முதலமைச்சர் பரப்புரை: மாவட்ட செயலாளர் மீது வழக்குப்பதிவு

காஞ்சிபுரம்: அதிமுக காஞ்சிபுரம் மேற்கு மாவட்ட செயலாளர் மீது தேர்தல் விதிகளை மீறியதாக வழக்குப்பதிவு செய்யப்பட்டுள்ளது.

காஞ்சிபுரம் மக்களவைத் தொகுதி அதிமுக மரகதம் குமரவேலை ஆதரித்து கடந்த ஞாயிற்றுக்கிழமை(ஏப்.17) காலை துணை முதலமைச்சர் ஓ.பன்னீர்செல்வம் பரப்புரை மேற்கொள்ள திட்டமிடப்பட்டு இருந்தது.

அதன்படி பரப்புரைக்காக காஞ்சிபுரம் வருகை தந்த ஓ.பன்னீர்செல்வம் தேரடி பகுதியில் உள்ள பிரசன்ன ஆஞ்சநேயர் கோயிலுக்கு சென்று சாமி தரிசனம் செய்துவிட்டு பின் தேர்தல் பரப்புரையில் ஈடுபட்டார்.

அப்போது தேரடி பகுதியில் அனுமதியின்றி அதிமுக கொடிகளை நிறுவியதாகவும் அனுமதியின்றி கூட்டம் சேர்த்ததாகவும் மாவட்ட செயலாளர் வாலாஜாபாத் கணேசன் மீது காஞ்சிபுரம் தேர்தல் அலுவலர் அறிவுறுத்தலின்பேரில் வழக்குப்பதிவு செய்யப்பட்டுள்ளது.