தீப்பந்தங்களை ஏந்தி ஒளி தரும் நூதன போராட்டம்!!

காஞ்சிபுரம்: காஞ்சிபுரம் மாவட்டம் அருகே பூஞ்சேரியில் ஜனநாயக புரட்சி கழகம் சார்பில் தீப்பந்தங்களை கையில் ஏந்தி ஒளி தரும் நூதன போராட்டத்தில் ஈடுபட்டனர்.

2

மாமல்லபுரத்தில் இருந்து சென்னை செல்லும் ஈசிஆர் சாலையின் மையப்பகுதியில் பூஞ்சேரி எனும் இடத்தில் தெருவிளக்குகளுடன் கூடிய மின் கம்பங்கள் அமைக்கப்பட்டு மூன்று வருடங்கள் ஆகியும் பயன்பாட்டிற்கு வராமல் உள்ளது. இதனால் இப்பகுதியில் அடிக்கடி விபத்துகள் நடப்பதாகவும், மூன்று வருடங்களில் மட்டும் ஏறக்குறைய 365 சாலை விபத்துகள் ஏற்பட்டுள்ளதாகவும் கோரி ஒளி தரும் நூதனப் போராட்டத்தில் ஈடுபட்டனர். போராட்டத்தின் போது ஈசிஆர் சாலையில் தீப்பந்தங்களை கையில் ஏந்தியவாறு கோஷங்களை எழுப்பியபடி ஊர்வலமாக வந்தனர்.

இதுகுறித்து மத்திய, மாநில அரசுகளுக்கு கோரிக்கை வைத்தும் இதுவரையிலும் எந்த நடவடிக்கை எடுக்கவில்லை. இனியும் கருத்தில் கொள்ளாவிட்டால் சுங்கச்சாவடி முற்றுகை மற்றும் அரசை எதிர்த்து மிகப்பெரிய போராட்டம் நடத்தப் போவதாக போராட்டத்தில் ஈடுபட்டவர்கள் தெரிவித்தனர். இப்போராட்டத்தில் ஜனநாயக புரட்சி கழகத்தின் தலைவர் ஃபாருக் மற்றும் மனிதநேய ஜனநாயக கட்சியின் மாநில செயலாளர் அலி உட்பட 30க்கும் மேற்பட்டோர் கலந்து கொண்டனர்.