காஞ்சிபுரம் மாவட்டம் திருக்கழுக்குன்றத்தில் பாட்டாளி மக்கள் கட்சி சார்பில் முப்படை சந்திப்புக் கூட்டம் நடைபெற்றது. இதில் பாட்டாளி மக்கள் கட்சியின் இளைஞரணித் தலைவர் அன்புமணி ராமதாஸ் கலந்து கொண்டு சிறப்புரையாற்றினார். அப்போது அவர் பேசுகையில், 'இந்த பொதுக்கூட்டமானது என்னுடைய தம்பிகள், தங்கைகள், சொந்தங்களைக் காண்பதற்கு ஏற்பாடு செய்யப்பட்ட கூட்டமாகும். உங்களைப் பார்த்த பிறகு, எனக்குப் ஒரு பெரிய நம்பிக்கை வந்துள்ளது.
நாம் எதிர்பார்ப்பது தமிழ்நாட்டை மாற்றி, புதிய தமிழ்நாட்டை உருவாக்க வேண்டும். பெண்களுக்குப் பாதுகாப்பு அளிக்க வேண்டும். இந்தியாவில் சிறந்த மாநிலமாகத் தமிழ்நாட்டை மாற்ற வேண்டும். இலவசக் கல்வி, இலவச மருத்துவம், இது போன்ற பல்வேறு நலத்திட்டங்களை வழிவகை செய்து, தமிழ்நாட்டின் தரத்தில் உயர்த்திட வேண்டும். இதற்கு நாம் அனைவரும் ஒன்று சேர வேண்டும். ஒன்று சேர்ந்து செயல்பட்டால் மட்டுமே இது சாத்தியமாகும்' என்று உரையாடினார்.