ஈரோடு மாவட்டம் கோபிசெட்டிபாளையம் அருகேயுள்ள காசிபாளையம் பேரூராட்சியில் ரூ. 50 லட்சம் மதிப்பீட்டில் புதிய தார்சாலை உள்ளிட்ட வளர்ச்சிப் பணிகளுக்கு பள்ளிக்கல்வித்துறை அமைச்சர் கே.ஏ. செங்கோட்டையன் அடிக்கல் நாட்டினார்.
அதைத் தொடர்ந்து செய்தியாளர்களிடம் அவர் பேசுகையில், "நீட் தேர்வில் இருந்து விலக்கு அளிக்க வேண்டும் என்பது தான் அரசின் கொள்கை. அதற்காக நீதிமன்றத்தில் வழக்கு தொடுக்கப்பட்டுள்ளது. ஆசிரியர் தகுதி தேர்வில் தேர்ச்சி பெற்றவர்கள் 7 ஆண்டுகள் தான் தேர்ச்சி செல்லும். அதை நிரந்தரமாக்குவது குறித்து அரசு ஆய்வு செய்து முடிவு எடுக்கும்.