பெரியார் பிறந்த ஈரோட்டில் கருணாநிதிக்கு சிலை: ஸ்டாலின் திறப்பு!

ஈரோடு: தந்தை பெரியார் பிறந்த மண்ணான ஈரோட்டில் நிறுவப்பட்டிருந்த மறைந்த முன்னாள் முதலமைச்சர் கருணாநிதியின் சிலையை திமுக தலைவர் மு.க. ஸ்டாலின் திறந்து வைத்தார்.

பகுத்தறிவு பகலவன் தந்தை பெரியார் பிறந்த ஈரோட்டில் அமைந்துள்ளது பன்னீர்செல்வம் பூங்கா. இந்த பூங்காவில் பெரியார், அண்ணா, எம்ஜிஆர் ஆகியோரது சிலைகள் அமைக்கப்பட்டுள்ளன.

MK Stalin with cadres

அந்த வரிசையில், தமிழ்நாடு முன்னாள் முதலமைச்சரும் மறைந்த திமுக தலைவருமான கருணாநிதியின் உருவ சிலை திமுக சார்பில் நிறுவப்பட்டது. அந்த சிலையை திமுக தலைவர் மு.க. ஸ்டாலின் இன்று திறந்து வைத்தார். இந்நிகழ்ச்சியில் ஏராளமான திமுக தொண்டர்கள் மற்றும் பொதுமக்கள் கலந்துகொண்டனர்.