ஈரோடு மாவட்டம் சத்தியமங்கலம் அருகே உள்ள மூலக்கடை பகுதியைச் சேர்ந்தவர் சுரேஷ், கரும்பு வெட்டும் தொழிலாளி. இவரது மனைவி தேவி (45). இவர்களுக்கு துளசி என்ற மகளும், குமார் என்ற மகனும் உள்ளனர்.
மகள், மகன் இருவருக்கும் திருமணமாகிவிட்டதால் சுரேஷ் தனது மனைவி தேவியுடன் தனியாக மூலக்கடையில் ஒரு வாடகை வீட்டில் வசித்துவந்தார்.
இந்நிலையில், கணவன் மனைவி இருவருக்குமிடையே மனக்கசப்பு ஏற்பட்டதால் சுரேஷ் கடந்த சில ஆண்டுகளாக வீட்டிற்கு வராமல் கரும்பு வெட்டச் செல்லும் இடத்திலேயே தங்கிக் கொள்வதாக கூறப்படுகிறது. இதன் காரணமாக தேவி தனியாக வசித்துவந்ததோடு அக்கம்பக்கத்தில் உள்ள விவசாய நிலங்களில் கூலி வேலைக்கும் செல்வார்.
இதனிடையே, நேற்று தேவியின் வீட்டுக் கதவு மூடப்பட்டிருந்தது. இதனால், சந்தேகமடைந்த அக்கம்பக்கத்தினர் மாலையில் வீட்டுக் கதவை திறந்து பார்த்தபோது தேவி கழுத்தறுக்கப்பட்ட நிலையில் ரத்த வௌ்ளத்தில் இறந்து கிடந்ததைக்கண்டு அதிர்ச்சியடைந்தனர்.
இது குறித்து சத்தியமங்கலம் காவல் துறையினருக்கு தகவல் தெரிவிக்கப்பட்டது. தகவலறிந்து சம்பவ இடத்திற்கு வந்த சத்தியமங்கலம் காவல் துணை கண்காணிப்பாளர் சுப்பையா தலைமையிலான காவல் துறையினர் உடலை மீட்டு உடற்கூறு ஆய்வுக்காக சத்தியமங்கலம் அரசு மருத்துமனைக்கு அனுப்பிவைத்தனர்.
மண உறவைத் தாண்டிய காதலால் பெண் கழுத்தறுத்து கொலை வீட்டிற்குள் மதுபாட்டில், பீடித்துண்டுகள் இருந்ததால் மண உறவைத் தாண்டிய காதல் காரணமாக கொலை செய்யப்பட்டிருக்கலாம் என்ற கோணத்தில் காவல் துறையினர் விசாரணை நடத்திவருகின்றனர். இச்சம்பவம் அப்பகுதியில் அதிர்ச்சியை ஏற்படுத்தியுள்ளது.
