'மாணவர்களைத் தூண்டிவிட்டு பொதுச்சொத்துகளுக்கு சேதம் விளைவிக்கும் திமுக...!'

திண்டுக்கல்: குடியுரிமை திருத்தச் சட்டம் தொடர்பாக வேண்டுமென்றே திமுகவினரும் அதன் கூட்டணி கட்சியினரும் மாணவர்களைத் தூண்டிவிட்டு பொதுச்சொத்துகளைச் சேதப்படுத்திவருவதாக வனத் துறை அமைச்சர் திண்டுக்கல் சீனிவாசன் குற்றஞ்சாட்டியுள்ளார்.

உள்ளாட்சித் தேர்தலில் இரண்டாம்கட்ட வாக்குப்பதிவு நாளை நடைபெறவுள்ள நிலையில் நேற்று மாலையுட‌ன் பரப்புரை நிறைவடைந்தது. இந்நிலையில் அதிமுக கூட்டணி கட்சி வேட்பாளர்களை ஆத‌ரித்து வ‌ன‌த் துறை அமைச்ச‌ர் திண்டுக்க‌ல் சீனிவாச‌ன், முன்னாள் அமைச்ச‌ர் ந‌த்த‌ம் விஸ்வ‌நாத‌ன், திண்டுக்கல் மாவட்டச் செயலாளர் மருதராஜ் உள்ளிட்டோர் பரப்புரை மேற்கொண்டனர்.

கொடைக்கான‌ல் கீழ்மலை கிராமங்களான தாண்டிக்குடி, ப‌ண்ணைக்காடு, மங்களம் கொம்பு, பெருமாள் மலை, மேல்மலை கிராமம், பூம்பாறை உள்ளிட்ட‌ ம‌லை கிராம‌ங்க‌ளில் இந்தப் பரப்புரை நடைபெற்றது.

இந்நிகழ்வில் பேசிய வனத் துறை அமைச்சர் திண்டுக்கல் சீனிவாசன், "மத்திய அரசிற்கு ஜால்ரா தட்டவேண்டிய அவசியம் அதிமுகவிற்கு இல்லை. குடியுரிமை திருத்தச் சட்டத்திற்குத் தெளிவாகத்தான் ஆதரவு அளித்துள்ளோம்.

ஆனால் வேண்டுமென்றே திமுகவினரும் அதன் கூட்டணிக் கட்சியினரும் மாணவர்களைத் தூண்டிவிட்டு பொதுசொத்துக்களை சேதப்படுத்திவருகின்றனர்" என்று தெரிவித்தார்.

இதையும் படிங்க: