திண்டுக்கல் மாவட்டம் கொடைக்கானல் அருகே சுமார் 30 கிலோமீட்டர் தொலைவில் பண்ணைக்காடு கிராமம் அமைந்துள்ளது. இந்தக் கிராமத்தில் சட்டப்பேரவை உறுப்பினர் தொகுதி மேம்பாட்டு நிதியிலிருந்து சுமார் பத்து லட்சம் ரூபாய் மதிப்பீட்டில் பயணியர் நிழற்குடை அமைக்கப்பட்டது. நிழற்குடையை பழனி சட்டப்பேரவை திமுக உறுப்பினர் செந்தில்குமார் திறந்துவைத்தார்.
தொடர்ந்து செய்தியாளர்களைச் சந்தித்த அவர், "கடந்த 25 நாள்களாக நடந்துவந்த அதிமுகவின் முதலமைச்சர் வேட்பாளர் நாடகம் இன்று முடிவுக்கு வந்துவிட்டது. ஓபிஎஸ் கூறினால் மக்கள் எடப்பாடி பழனிசாமிக்கு ஓட்டுப் போட்டு விடுவார்களா? ஆட்சி மாற்றத்திற்கான நேரம் வந்துவிட்டது. தமிழ்நாட்டின் அனைத்து உரிமைகளும் பறிபோய்விட்டன. இதனைத் தட்டிக்கேட்க அதிமுக அரசுக்குத் துப்பில்லை” என்றார்.
திமுக எம்எல்ஏ செந்தில் குமார்