ஓசூர் அரசு மருத்துவமனையின் தலைமை மருத்துவர் பூபதி செய்தியாளர்களை சந்தித்து பேசினார். அப்போது அவர் பேசிய அவர், “தற்போது கரோனா நோய் இரண்டாம் கட்டமாக வேகமாக பரவி வருகிறது, இரண்டாம் கட்டமாக பரவும் கரோனாவிலிருந்து தற்காத்துக்கொள்ள அனைவரும் முகக்கவசம், கிருமி நாசினி பயன்படுத்தி தடுப்பு நடவடிக்கைகளை பின்பற்றி தற்காத்து கொள்ள வேண்டும்.
ஓசூர் அரசு மருத்துவமனையில் கரோனா நோயாளிகளுக்காக தனி வார்டு திறக்கப்படுள்ளது. இங்கு அனைத்து வசதிகளும் உள்ளன. கோவாக்ஸின், கோவிஷீல்டு என்ற இரண்டு தடுப்பூசியும், பொதுமக்களுக்கு செலுத்தி வருகிறோம். இதனை அனைத்து பொதுமக்களும் பயன்படுத்திக்கொள்ள வேண்டும்.