தர்மபுரி: பென்னாகரம் அடுத்த பி.அக்ரஹாரம் கிராமத்தில் பிரசித்தி பெற்ற முனியப்பன் கோயில் அமைந்துள்ளது. இந்த கோயிலில் ஆண்டுதோறும் மார்கழி மாதம் இரண்டாவது செவ்வாய் கிழமை திருவிழா பிரமாண்டமாக கொண்டாடப்படும்.
இந்நிலையில் இன்று(டிச.29) கொண்டாடப்பட்ட இந்த திருவிழாவிற்கு, பென்னாகரம் மட்டுமில்லாமல், தருமபுரி, அரூர், கிருஷ்ணகிரி, சேலம் உள்ளிட்ட பல்வேறு பகுதிகளிலிருந்து ஏராளமான பக்தர்கள் வந்தனர். இந்த திருவிழாவுக்கு வந்த பக்தர்கள் விரதமிருந்து, தங்களது பல்வேறு வகையான நேர்த்தி கடன்களை செலுத்தினர்.
பென்னாகரம் முனியப்பன் கோயில் திருவிழா
மேலும் இந்த திருவிழாவில் பல்வேறு பகுதிகளிலிருந்து ஏராளமான பக்தர்கள் ஆடு, கோழிகளை காணிக்கை செலுத்தி தங்களது நேர்த்தி கடன்களை செலுத்தினர்.