சந்தன மரங்கள் வெட்டிய இருவர் கைது

தருமபுரி: மொரப்பூர் வனப் பகுதியில் சந்தன மரங்கள் வெட்டிய இருவரை வனத் துறையினர் கைது செய்தனர்.

தருமபுரி மாவட்டம் மொரப்பூர் வனச் சரகம் ராமியணஹள்ளி வனப்பகுதியில் சந்தன மரங்களை வெட்டிக் கடத்துவதாக மொரப்பூர் வனத் துறையினருக்கு ரகசிய தகவல் கிடைத்தது. இதையடுத்து சம்பவ இடத்திற்கு விரைந்து வந்த வனத்துறையினர் சந்தன மரங்களை வெட்டிய ஐந்து பேரில் முத்து, பிரபு ஆகிய இருவரையும் கைது செய்தனர்.

மேலும் அவர்களிடமிருந்து 67 கிலோ எடை கொண்ட 12 சந்தன மரத் துண்டுகள், இருசக்கர வாகனம், ரம்பம், கோடாரி, கொடுவாள் ஆகியவைகளை மொரப்பூர் வனத் துறையினர் பறிமுதல் செய்தனர். தப்பியோடிய பெருமாள், வெங்கடேசன், தீர்த்தகிரி ஆகியோரை வனத் துறையினர் தேடிவருகின்றனர்.
இதையும் படிங்க: குடிமகன்களுக்கு சாக்கடையும் சந்தன மெத்தைதான்: வைரலாகும் வீடியோ!