மாவோயிஸ்ட்டுகள் கொல்லப்பட்டதின் எதிரொலி சோதனைச்சாவடிகளில் பலத்த பாதுகாப்பு!

கோவை : கேரளாவில் நான்கு மாவோயிஸ்டுகள் கொல்லப்பட்டதையடுத்து தமிழ்நாடு கேரள எல்லைப்பகுதியில் அமைந்துள்ள சோதனைச்சாவடிகளில் துப்பாக்கி ஏந்திய போலீஸ் பாதுகாப்பு போடப்பட்டுள்ளது.

கேரளாவிலுள்ள மஞ்சக்கட்டி அடர் வனப்பகுதியில் நேற்று தண்டர்போல்ட் படையினர், மாவோயிஸ்டுகளுக்கிடையே நடந்த துப்பாக்கிச் சண்டையில் நான்கு மோவோயிஸ்டுகள் சுட்டுக் கொல்லப்பட்டனர்.

இதனால் தமிழ்நாடு கேரள எல்லைப்பகுதிகளில் பாதுகாப்பு பலப்படுத்தப்பட்டுள்ளது. அதன்படி வேலந்தாவளம்,நடுப்புணி, கோபாலபுரம், மீனாட்சிபுரம், கோவிந்தபுரம், வடக்காடு ஆகிய சோதனைச்சாவடிகளில் தீவிர வாகனச்சோதனை மேற்கொள்வதோடு நவீனரக துப்பாக்கிகளுடன் சுழற்சி முறையில் 80க்கும் மேற்பட்ட போலீசார் பாதுகாப்பு பணியில் ஈடுபட்டுள்ளனர்.

மேலும், தமிழ்நாடு கேரள வனப்பகுதியை ஒட்டியுள்ள சிறுகுன்றா, சோலையார் அணை, மளுக்குப்பாறை பகுதிகளில் காவலர்கள், வனத்துறையினர் தீவிர கண்காணிப்பில் ஈடுபட்டுள்ளனர்.

இதையும் படிங்க :நகராட்சியால் அமைக்கப்பட்ட ஆழ்துளைக் கிணறுகளால் ஆபத்து!