பொள்ளாச்சியில் துணை ராணுவத்தினர் கொடி அணிவகுப்பு...!

கோவை: தேர்தல் பணிகளில் ஈடுபடவுள்ள காவல் துறையினர் மற்றும் துணை ராணுவப்படையினர் பொள்ளாச்சியில் கொடி அணிவகுப்பு நடத்தினர்.

நாளை மறுநாள் நடைபெறவுள்ள மக்களவைத் தேர்தலில் பொள்ளாச்சியில் 200 காவல் துறையினர் மற்றும் துணை ராணுவப் படையினர் தேர்தல் பணிகளில் ஈடுபடவுள்ளனர். அவர்கள் அனைவரும் மாவட்ட காவல்துறை கண்காணிப்பாளர் சிவக்குமார் தலைமையில் கையில் துப்பாக்கி ஏந்தியபடி வடுகாபாளையம் பிரிவு குமரன் நகர், மகாலிங்கபுரம், டி கோட்டாம்பட்டி, நேருநகர் என பொள்ளாச்சி நகரம் முழுவதும் கொடி அணிவகுப்பு பேரணி நடத்தினர்.

இது குறித்து மாவட்ட காவல் கண்காணிப்பாளர் சிவக்குமார் கூறும்போது, 'தேர்தல் பாதுகாப்பாகவும், நேர்மையாகவும் நடைபெற போதிய அளவு காவல் துறையினரும், துணை ராணுவப் படையினரும் பாதுகாப்புப் பணியில் ஈடுபட்டுள்ளனர். ஆகையால் சுதந்திரமாகவும் நேர்மையாகவும் அனைவரும் வாக்களிக்க வேண்டும் என்ற நோக்கில் மக்களின் அச்சத்தைப் போக்க இந்தப் பேரணி நடத்தப்பட்டது' என்றார்.