கோவை மாவட்டம் பொள்ளாச்சி ஆனைமலை புலிகள் காப்பகம் சார்பில் டாப்சிலிப்பில் பொங்கல் விழா நேற்று கொண்டாடப்பட்டது. வனத்துறை சார்பில் பாராமரிக்கப்பட்டுவரும் சின்னதம்பி உட்பட 18 வளர்ப்பு யானைகள் கோழிகமுத்தி முகாமிலிருந்து பாப்சிலிப்புக்கு அழைத்து வரப்பட்டு மாலை அணிவித்து அணிவகுத்து நிற்கவைக்கப்பட்டன.
இதைத் தொடர்ந்து மலைவாழ் மக்கள் புதுப்பானையில் பொங்கல் வைத்து வழிபாடு செய்தனர். பின்னர் யானைக்கு பிடித்த வாழைப்பழம், கரும்பு, தேங்காய், பொங்கல் ஆகியவை உணவாக வழங்கப்பட்டன. இதில் ஏராளமான சுற்றுலாப் பயணிகள் கலந்துகொண்டு ரசித்ததோடு, அவர்களும் யானைகளுக்கு கரும்பு, வாழைப்பழம் ஆகியவை கொடுத்து மகிழ்ந்தனர்.