காட்டு யானை தாக்கியதில் முதியவருக்கு கை முறிவு!

கோயம்புத்தூர்: வால்பாறை அருகே காட்டு யானைத் தாக்கியதில் முதியவருக்கு கை முறிவு ஏற்பட்டது.

கோயம்புத்தூர் மாவட்டம், வால்பாறை அருகேயுள்ள அணாலி எஸ்டேட்டில் தொழிலாளியாகப் பணிபுரிந்து ஓய்வு பெற்றவர் ரியான் (65). இவர், நேற்று (ஜன.25) வால்பாறையில் நடந்து சென்றார். அப்போது வனப்பகுதியை விட்டு வெளியேறிய காட்டு யானை ஒன்று முதியவரை தாக்கியது.

இதில் அவருக்கு கை முறிவு ஏற்பட்டது. இதுகுறித்து தகவலறிந்து சென்ற வனத் துறையினர் முதியவரை மீட்டு பொள்ளாச்சி அரசு மருத்துவமனையில் சிகிச்சைக்கு அனுமதித்தனர். தற்போது காட்டு யானையை வனப்பகுதிக்கு விரட்ட வனத்துறையினர் நடவடிக்கை எடுத்து வருகின்றனர்.

இதையும் படிங்க: மேகமலையில் தொழிலாளியை விரட்டும் காட்டு யானை: அச்சமூட்டும் காணொலி