கோவையில் கடத்தப்பட்ட 16 வயது சிறுமி தஞ்சையில் மீட்பு!

கோவை: குனியமுத்தூர் அருகே கடத்திச் செல்லப்பட்ட 16 வயது சிறுமியை காவல் துறையினர் தஞ்சாவூரில் மீட்டனர்.

சில தினங்களுக்கு முன் கோவை குனியமுத்தூர் பகுதியைச் சேர்ந்த 16 வயது சிறுமி மாயமானதாக அவரது பெற்றோர் குனியமுத்தூர் காவல் நிலையத்தில் புகார் அளித்தனர். அதனைத் தொடர்ந்து, காவல்துறையினர் வழக்குப்பதிவு செய்து விசாரணை மேற்கொண்டிருந்தனர்.

இந்நிலையில், மாயமான சிறுமி தஞ்சாவூரில் இருப்பதாக குனியமுத்தூர் காவல் துறையினருக்கு தகவல் கிடைத்தது. இதையடுத்து, தஞ்சை விரைந்த காவல் துறையினர், சிறுமியை மீட்டு அவரிடம் விசாரணை மேற்கொண்டனர்.

அதில், கோவை குலத்துபாளையத்தைச் சேர்ந்த அசாருதின் என்ற மாணவன் சிறுமியிடம் ஆசை வார்த்தைக் கூறி அவரை அழைத்துச் சென்றது தெரியவந்தது. இதையடுத்து, அசாருதினை காவல் துறையினர் கைது செய்து கோவை மகளிர் காவல் நிலையத்தில் ஒப்படைத்தனர்.

இதையும் படிங்க:சிறுமிக்கு பாலியல் துன்புறுத்தல்: காவலர் தற்காலிக பணியிடை நீக்கம்!