நீட் தேர்வு முடிவு எதிரொலி: கால்நடை மருத்துவத்திற்கு ஆர்வம்

சென்னை: கால்நடை மருத்துவப் படிப்பிற்கு விண்ணப்பிப்பவர்களின் எண்ணிக்கை அதிகரித்துள்ளதால் அதற்கான கால அவகாசம் நீட்டிக்கப்பட்டுள்ளது.

தமிழ்நாடு கால்நடை மருத்துவ அறிவியல் பல்கலைக்கழக மாணவர் சேர்க்கைக் குழு வெளியிட்டுள்ள செய்திக்குறிப்பில், 'தமிழ்நாடு கால்நடை மருத்துவ அறிவியல் பல்கலைக்கழக இளநிலை பட்டப்படிப்புகளுக்கான கால்நடை மருத்துவம், தொழில்நுட்பப் படிப்புகளுக்கு இணையதளம் (www.tanuvas.ac.in) மூலம் விண்ணப்பிக்க 2019 ஜூன் 10ஆம் தேதி மாலை 5.45 மணி கடைசி நாளாக இருந்தது.

நீட் தேர்வு முடிவுகளுக்குப் பிறகு விண்ணப்பங்கள் அதிக அளவில் வருவதாலும், மாணவர்கள் நலன் கருதியும் இணையதளம் மூலம் விண்ணப்பிக்க கடைசி தேதி 2019 ஜூன் 17ஆம் தேதி மாலை 5.45 மணி வரை நீட்டிக்கப்பட்டுள்ளது.

மேலும் பூர்த்தி செய்யப்பட்ட விண்ணப்பங்கள் பதிவிறக்கம் செய்து, தகுந்த சான்றிதழ் நகல்களுடன் பல்கலைக்கழகத்திற்கு 2019 ஜூன் 17ஆம் தேதி மாலை 5:45 மணிக்குள் அனுப்ப வேண்டும்' என கூறப்பட்டுள்ளது.