சென்னை:ஜாபர்கான்பேட்டை பழனியப்பன் பகுதியை சேர்ந்தவ்ர் கணேசன் (45). இவர் கோயம்பேடு சந்தை அருகே, இருசக்கர வாகனத்தில், டீ, பிஸ்கட் வியாபாரம் செய்து வருகிறார். நேற்று (மார்ச் 13) கோயம்பேடு சந்தை பகுதியிலுள்ள அடையார் ஆனந்த பவன் ஹோட்டல் அருகே, இவர் சென்றுகொண்டிருந்தபோது, திடீரென வாகனத்தில் இருந்து புகை வந்துள்ளது.
இதனைக் கண்டு சுதாகரித்துக்கொண்ட கணேசன், வாகனத்தில் இருந்து கீழே இறங்கியுள்ளார். அப்போது வாகனம் தீ பிடித்து எரிந்துள்ளது. இதனால் அதிர்ச்சியடைந்த கணேசன், ஜே ஜே நகர் தீயணைப்பு நிலையத்திற்கு தகவல் தெரிவித்துள்ளார்.