சென்னை: தமிழ்நாடு 16ஆவது சட்டப்பேரவையின் முதலாவது கூட்டத்தொடர் இன்று (ஜூன்.21) நடைபெற்றது. இதில் தமிழ்நாடு ஆளுநர் பன்வாரிலால் புரோகித், முதலமைச்சருக்கான பொருளாதார ஆலோசனைக் குழுவில் இடம்பெற்றுள்ள நிபுணர்கள் குறித்து தெரிவித்தார். இந்த குழுவில் ரகுராம் ராஜன், எஸ்தர் டஃப்லோ, அரவிந்த் சுப்ரமணியன், ஜீன் ட்ரெஸ், எஸ். நாராயண் ஆகியோர் அடங்கிய குழு முதலமைச்சருக்கான பொருளாதார ஆலோசனைகளை வழங்கும் என குறிப்பிட்டார்.
இதனையடுத்து முதலமைச்சருக்கான சிறப்பு பொருளாதார கலந்தாய்வு குழு அமைக்கப்பட்டது தொடர்பான அரசாணையை அரசு வெளியிட்டுள்ளது. "அமெரிக்காவின் மசாசூசெட்ஸ் தொழில்நுட்பக் வகுத்து கழகத்தின் பேராசிரியரும் நோபல் பரிசு பெற்றவருமான எஸ்தர் டஃப்லோ, இந்திய ரிசர்வ் வங்கியின் முன்னாள் ஆளுநர் பேராசிரியர் ரகுராம் ராஜன், ஒன்றிய அரசின் முன்னாள் தலைமை பொருளாதார ஆலோசகர் டாக்டர் . அரவிந்த் சுப்ரமணியன், பொருளாதார நிபுணர் பேராசிரியர் ஜான் ட்ரீஸ், முன்னாள் ஒன்றிய நிதிச் செயலாளருமான டாக்டர் எஸ் . நாராயண் ஆகிய உலகின் தலைசிறந்த பொருளாதார அறிஞர்கள் இந்தக் குழுவில் உறுப்பினர்களாக இருப்பார்கள், இக்குழுவின் பரிந்துரைகளின் அடிப்படையில் , மாநிலத்தின் பொருளாதாரத்தை மீண்டும் எழுச்சி பெற செய்து , பொருளாதார வளர்ச்சியின் பயன்கள் அனைத்துத் தரப்பினரையும் சென்றடைவதை இந்த அரசு உறுதி செய்யும்.
இக்குழுவின் வழிமுறைகள்
- பொருளாதார மற்றும் சமூகக் கொள்கை, சமூக நீதி மற்றும் மனித மேம்பாடு தொடர்பான பிரச்னைகள் குறித்த பொதுவான வழிகாட்டுதல்களை வழங்குதல்
- குறிப்பாக பெண்களுக்கு சம வாய்ப்புகளை உறுதி செய்வது மற்றும் கீழ் நல்வாழ்வு தொடர்பான விஷயங்களில் சலுகை
- மாநிலத்தில் பொருளாதார வளர்ச்சி, வேலைவாய்ப்பு மற்றும் உற்பத்தித்திறனை அதிகரிப்பது குறித்த பரிந்துரைகளை செய்வார்கள்
- மாநிலத்தின் ஒட்டுமொத்த நிதி ஆரோக்கியத்தை மேம்படுத்துவதற்கான வழிகாட்டுதல்களை வழங்குதல்
- மக்களுக்கு சிறந்த சேவைகளை வழங்க மாநில திறனை மேம்படுத்துவது குறித்து ஆலோசனை வழங்குதல்
- கவுன்சில் அல்லது அதன் உறுப்பினர்களுக்கு முதலமைச்சர் அல்லது நிதி மற்றும் மனிதவள மேலாண்மை அமைச்சரால் குறிப்பிடப்படும் பொருளாதார மற்றும் சமூகக் கொள்கையின் எந்தவொரு பிரச்னையிலும் பகுப்பாய்வு செய்து ஆலோசனைகளை வழங்குதல் அரசாணை வெளியீடு