மஸ்கட் நாட்டில் இருந்து சென்னை வந்த பயணிகளுக்கு கரோனா வைரஸ் அறிகுறி!

மஸ்கட் நாட்டில் இருந்து சென்னை வந்த பயணிகளுக்கு கரோனா வைரஸ் அறிகுறி தென்பட்டதை அடுத்து அவர்களை சிறப்பு மருத்துவ முகாமுக்கு சிகிச்சைக்காக அழைத்துச் செல்லப்பட்டனர்.

மஸ்கட்டிலிருந்து சென்னைக்கு இன்று பகல் 2 மணிக்கு வந்த ஓமன் ஏா்லைன்ஸ் பயணிகளுக்கு நடந்த மருத்துவ பரிசோதணையில், தமிழகத்தை சோ்ந்த 3 போ், கா்நாடகா 1,புதுச்சேரி 1 மொத்தம் 5 பேருக்கு காய்ச்சல்,சளி,சுவாசிப்பதில் சிரமம் இருந்ததால் அவா்களை வெளியே அனுப்பாமல் தனி அறையில் வைத்து மருத்துவப் பரிசோதனை செய்யப்பட்டனர்.

பின்பு மாலை 5 மணிக்கு சிறப்பு ஆம்புலன்ஸ் மூலம் பூந்தமல்லியில் உள்ள சிறப்பு மருத்துவ முகாமிற்கு கொண்டு செல்லப்பட்டனா். அங்கு 24 மணி நேரம் தீவிர கண்காணிப்பில் வைக்கப்பட்டனா். இவா்கள் 5 பேரும் இத்தாலி, பிரான்ஸ், ஜொ்மன் நாடுகளில் தனியாா் நிறுவனங்களில் பணியிலிருந்த நபர்கள் என்பது விசாரணையில் தெரியவந்தது.இன்று ஒரே நாளில் இதுவரை 5 பெண்கள் உட்பட 14 போ் மருத்துவ பரிசோதணையில் கரோனாவுக்கான சந்தேக அறிகுறியுடன் மருத்துவ முகாமிற்கு அனுப்பப்பட்டனா் என்பது குறிப்பிடத்தக்கது.

இதையும் படிங்க: ஒட்டன்சத்திரத்தில் கரோனா வைரஸ் குறித்து மருத்துவ முகாம்