சென்னை:2022-23ஆம் ஆண்டுக்கான தமிழ்நாடு நிதிநிலை அறிக்கை (பட்ஜெட்) அடுத்த மாதம் தாக்கல்செய்யப்பட உள்ளது. திமுக ஆட்சிப் பொறுப்பேற்ற பிறகு முழுமையாகத் தாக்கல்செய்யப்படும் முதல் பட்ஜெட் என்பதால் அதைத் தயாரிக்கும் பணிகள் வேகமாக நடைபெற்றுவருகின்றன.
நிதிநிலை அறிக்கையில் இடம்பெற வேண்டிய அம்சங்கள் குறித்து முடிவெடுக்கும் வகையில் பல்வேறு கட்டங்களாகக் கலந்தாய்வுக் கூட்டம் தொடர்ந்து நடைபெற்றுவருகிறது.
அந்த வகையில் தமிழ்நாடு நிதி மற்றும் மனிதவள மேலாண்மைத் துறை அமைச்சர் பி.டி.ஆர். பழனிவேல் தியாகராஜன், தொழிற்சாலை மற்றும் சிறு, குறு, நடுத்தரத் தொழில் நிறுவனங்களின் சங்கப் பிரதிநிதிகளுடனும், வர்த்தகச் சங்க நிர்வாகிகளுடன் சென்னை தலைமைச் செயலகத்தில் நாமக்கல் கவிஞர் மாளிகையில் தனித்தனியாக ஆலோசனை நடத்தினார்.
தமிழ்நாடு மக்களுக்கும் வரும் நிதிநிலை அறிக்கையில் எட்டு ஆண்டுகள் இல்லாத அளவிற்குப் பல்வேறு எதிர்கால வளர்ச்சித் திட்டங்களை அறிவிக்க உள்ளேன். அன்னை மீனாட்சி அருளால் எனக்கு இந்தப் பொறுப்புக் கிடைத்துள்ளது" என்றார்.
TAGGED:
ptr meeting