தமிழ்நாடு முழுவதும் முக்கிய திருத்தலங்களில் கந்த சஷ்டி விழா அக்டோபர் 27ஆம் தொடங்கி சிறப்பான முறையில் நடைபெற்றது. இதன் முக்கிய நிகழ்வான சூரசம்ஹார விழா நேற்று கோலாகலமாக டைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர்.
திருச்செந்தூரில், சூரபத்மன் என்னும் அரக்கனை முருகன் அழித்ததாக புராணத்தில் கூறப்பட்டுள்ள நிகழ்வே, ஆண்டுதோறும் மகா கந்தசஷ்டி என்று கொண்டாடப்படுகிறது. அந்த வகையில் கந்த சஷ்டித் திருநாளான நேற்று, திருச்செந்தூர் மட்டுமின்றி பல முருகன் கோவில்களிலும் இந்த சூரசம்ஹார விழா நடைபெற்றது.
சூரசம்ஹார விழா கோலாகலம்
திருச்செந்தூர் முருகன் கோயிலில் சூரசம்ஹாரம் முடிந்த பிறகு, வடபழனி முருகன் கோயிலில் சூரசம்கார விழா நடைபெற்றது. இரவு 8 மணிக்கு தொடங்கிய இந்த விழாவில் ஆயிரக்கணக்கான பக்தர்கள் கலந்துகொண்டு முருகனை வழிபட்டனர்.