கரோனா பரவல் காரணமாக பள்ளி, கல்லூரிகளுக்கு காலவரையறின்றி விடுமுறை அறிவிக்கப்பட்டது. பின்னர், ஊரடங்கு படிப்படியாக தளர்த்தப்பட்டதால், தமிழ்நாட்டில் அனைத்து கல்லூரிகளும், 9, 10, 11, 12ஆம் வகுப்புகளுக்கு பாடம் நடத்தும் வகையில் வருகின்ற 16ஆம் தேதி பள்ளிகளும் திறக்கப்படும் என்று அறிவிக்கப்பட்டது.
ஆனால், கரோனா தொற்று முடிவுக்கு வராத நிலையில் தங்களது பிள்ளைகளை பள்ளி, கல்லூரிகளுக்கு அனுப்ப முடியாது என பெற்றோர்கள் மறுத்து வருகின்றனர். இந்நிலையில், தமிழ்நாட்டில் பள்ளிகள் திறப்பது குறித்து நவம்பர் 9ஆம் தேதி தலைமையாசிரியரிடம் பெற்றோர்கள் கருத்து தெரிவிக்கலாம் என தமிழ்நாடு பள்ளிக் கல்வித் துறை அறிவித்திருந்தது.
பெற்றோர்களிடம் கருத்து கேட்பு கூட்டம்
அதன்படி தற்போது தமிழ்நாடு முழுவதும் மாணவர்களின் பெற்றோர்களிடம் கருத்து கேட்பு கூட்டம் நடைபெற்று வருகிறது.