ஆஸ்திரேலியாவுக்கு எதிரான மூன்றாவது ஒருநாள் போட்டி ஆஸ்திரேலிய தலைநகரான கான்பெர்ராவில் உள்ள மனுகா ஓவல் மைதானத்தில் இன்று நடைபெற்று வருகிறது.
ஐபிஎல் தொடரில் சிறப்பாக பந்து வீசி அனைவரின் கவனத்தையும் ஈர்த்த தமிழக வீரர் நடராஜன் இந்திய ஆடும் லெவன் அணியில் இன்று இடம்பிடித்துள்ளார். இந்திய அணிக்காக முதல் முறையாக விளையாடும் நடராஜனுக்கு பல தரப்பினரும் தங்களது வாழ்த்துகளை தெரிவித்து வருகின்றனர்.
அந்த வகையில் நடராஜனுக்கு வாழ்த்து தெரிவித்து துணை முதலமைச்சர் ஓ.பன்னீர்செல்வம் வெளியிட்டுள்ள ட்விட்டர் பதிவில், கிரிக்கெட் போட்டியில் இந்திய அணிக்காக தனது முதல் வெற்றிப்பயணத்தை தொடங்கியிருக்கும் தமிழக வீரர் நடராஜனுக்கு என் மனமார்ந்த வாழ்த்துகள்! தனது அபாரத் திறமையால் தாய்நாட்டிற்கும், தமிழகத்திற்கும் பெருமை சேர்க்கும் அவரின் சாதனைப்பயணம் தொடரட்டும்” என பதிவிட்டுள்ளார்.
இதையும் படிங்க:சாதனை நாயகன் படைத்த மற்றொரு சாதனை!